பிட்சை எடுத்ததாம் பெருமாள் அதை பிடுங்கியதாம் அனுமார் – இந்தியாவுக்கு யு.எஸ். கடன் பாக்கி

புது தில்லி, ஆக. 7: இந்தியாவிடம் அமெரிக்கா ரூ. 1.83 லட்சம் கோடி கடன்பட்டுள்ளது. அமெரிக்காவுக்கு அதிக தொகை கடன் வழங்கிய நாடுகளின் பட்டியலில் இந்தியா 14-வது இடத்தில் உள்ளது.

இப்பட்டியலில் பிரான்ஸ், ஆஸ்திரேலியா உள்ளிட்ட நாடுகளும் நமக்குப் பின்னால்தான் உள்ளன. அமெரிக்க கருவூலத்துறை வெளியிட்டுள்ள அறிக்கையில் இந்த தகவல் தெரிவிக்கப்பட்டுள்ளது.

உலகின் வல்லரசு நாடாக விளங்கி வரும் அமெரிக்கா, இப்போது கடன்பட்டு கலங்கி வருகிறது. பெரும் போராட்டத்துக்குப் பின் அந்நாட்டின் கடன் பெரும் உச்சவரம்பு அதிகரிக்கப்பட்டுள்ளது.

அந்நாட்டில் வேலைவாய்ப்பு, தொழில்துறையில் மந்தம் நிலவுகிறது. அது அடுத்த பொருளாதார நெருக்கடிக்கு அறிகுறி என்றும் கணிக்கப்படுகிறது. இதனால் இந்தியா உள்ளிட்ட நாடுகளிலும் பாதிப்பு ஏற்படும் என்று கூறப்படுகிறது.

இந்நிலையில் அந்நாட்டுக்கு உள்ள கடன்கள் குறித்த அறிக்கை வெளியிடப்பட்டுள்ளது. அதன்படி அமெரிக்காவின் கடன் 15 லட்சம் கோடி டாலரை நெருங்கி வருகிறது. இதில் 4.5 லட்சம் கோடி டாலர் வெளிநாடுகளில் இருந்து பெற்றது.

சீனா முதலிடம்:÷அமெரிக்காவுக்கு அதிகம் கடன் கொடுத்த நாடுகளின் பட்டியலில் சீனா முதலிடத்தில் உள்ளது. அந்நாட்டுக்கு அமெரிக்கா கொடுக்க வேண்டிய கடன் 1.15 லட்சம் கோடி டாலர்.

இதற்கு அடுத்தபடியாக முறையே ஐப்பான், பிரிட்டன், பிரேசில், தைவான், ஹாங்காங், ரஷியா, ஸ்விட்சர்லாந்து, கனடா, லக்ஸம்பர்க், ஜெர்மனி, தாய்லாந்து, சிங்கப்பூர் ஆகிய நாடுகள் அமெரிக்காவுக்கு அதிக அளவில் கடன் கொடுத்துள்ளன.

இப்பட்டியலில் இந்தியா 14-வது இடத்தில் உள்ளது. இந்தியாவிடம் அமெரிக்கா பெற்றுள்ள கடன் 4,100 கோடி டாலர் (ரூ.1.83 லட்சம் கோடி).

ஆஸ்திரேலியா, மலேசியா, இஸ்ரேல், பிரான்ஸ், இத்தாலி, நெதர்லாந்து, அயர்லாந்து, தென்கொரியா, போலந்து, பெல்ஜியம், நார்வே உள்ளிட்ட நாடுகள் இந்தியாவை விட குறைந்த அளவிலேயே அமெரிக்காவுக்கு கடன் வழங்கியுள்ளது.

அமெரிக்காவுக்கு இந்தியா அளித்துள்ள கடன், கடந்த ஓராண்டில் மட்டும் 1,000 கோடி டாலர் அதிகரித்துள்ளது. அமெரிக்க கடன் பத்திரங்கள், கருவூலப் பத்திரங்களை இந்தியா அதிக அளவு வாங்கியுள்ளதே இதற்குக் காரணம்.

அன்னியச் செலாவணி கையிருப்பு:÷இந்திய ரிசர்வ் வங்கி வைத்துள்ள அன்னியச் செலாவணி கையிருப்பில் அமெரிக்காவின் கருவுலப் பத்திரங்கள் அதிகம் உள்ளன. அன்னியச் செலாவணி கையிருப்பில் 10 சதவீதம் அமெரிக்க டாலராக உள்ளது. எனினும் அமெரிக்க கடன் பத்திரங்களை கையிருப்பாக வைத்திருப்பது பாதுகாப்பானதுதான் என்று பொருளாதார வல்லுநர்கள் கருத்துத் தெரிவித்துள்ளனர்.

சமீபத்தில் பெரும் அரசியல் போராட்டத்துக்குப்பின் அமெரிக்காவின் கடன் பெறும் வரம்பு 14.3 லட்சம் கோடி டாலராக உயர்த்தப்பட்டது. அதேசமயம் அடுத்த 10 ஆண்டுகளில் செலவு வரம்பை 2.4 லட்சம் கோடி டாலர் குறைக்கவும் அமெரிக்கா முடிவு செய்துள்ளது.

Thanks to www.dinamani.com

சவால்களை வரவேற்போம்!

நீங்கள் எடுக்கும் எல்லா முடிவுகளும் சரியானதுதானா? எல்லா பிரச்னைகளுக்கான தீர்வையும்  உங்களால் எப்போதும் சரியாக கண்டறிய முடிகிறதா?

‘ஆம்’ என்று சொன்னால், கங்கிராட்ஸ்… நீங்கள் நன்றாக பொய் சொல்கிறீர்கள்!

உண்மை என்னவென்றால், பெரிய பெரிய (அரசியல்/தொழில்) தலைவர்கள் கூட  சில நேரம்  தடுமாறும் இடம் அது.

சரியான முடிவு எடுக்கும் திறன், அனுபவத்தால் வருகிறது. அந்த அனுபவமோ, தவறான முடிவு எடுத்ததால் வருகிறது.

சவால்களை வரவேற்போம்..!

பிரபல சோப்பு தயாரிப்பு நிறுவனத்தின் உயர்மட்ட அதிகாரிகள் கூட்டம். இதுவரை அவர்கள் சந்தித்திராத புதுப் பிரச்னை. தீர்வு காண வேண்டும்.

ஒரு கஸ்டமர் தன் வீட்டின் அருகில் உள்ள ஒரு கடைக்கு போய் இவர்கள் தயாரித்த சோப்பை வாங்கி இருக்கிறார். சோப்பு பாக்கெட்டில் சோப்பு இல்லை. காலியாக இருந்திருக்கிறது. கம்பெனிக்கு போன் செய்து புகார் செய்துவிட்டார்.

"ப்ச்.. அவர் பொய் சொல்றார்பா," என்று இதை அலட்சியமாக ஒதுக்கி விட்டு, சமோசா சாப்பிட போகவில்லை அந்த சோப்பு கம்பெனி நிர்வாக அதிகாரி. மீட்டிங் கூட்டினார்.

சகலமும் இயந்திரமயம் ஆக்கப்பட்ட சோப்பு தொழிற்சாலை அது. சோப்பு தயாராகி, வரிசையாக வந்து, தானாகவே பேக் செய்யப்பட்டு தானாகவே பெரிய அட்டைப் பெட்டிகளில் அடுக்கப்படும்படியாக இருந்தது அவர்கள் இயந்திர அமைப்பு.

தயாரித்து பேக் செய்யப்பட்டு வெளியே வரும் ஒவ்வொரு சோப்பு பாக்கெட்டிலும் சோப்பு இருப்பதை உறுதி செய்ய என்ன செய்யலாம் என்று முடிவு செய்யத்தான் இந்த அதிகாரிகளின் அவசர மீட்டிங்.

மீட்டிங்கில், புதிதாக வேறு பேக்கிங் இயந்திரங்கள் வாங்கலாம், சோப்புகள் அடுக்கிய அட்டைப் பெட்டியை கடைகளுக்கு அனுப்பும் முன் வேலையாட்களை வைத்து எடை போட்டு பார்த்து அனுப்பலாம் உள்ளிட்ட பல யோசனைகள் முன்வைக்கப்பட்டன. அதற்காக புதிதாக வேலைக்கு எடுக்கப்பட வேண்டிய ஆட்களும் செலவினங்களும் பரிசீலிக்கப்பட்டன.

இறுதியில் அங்கே வேலை பார்க்கும் ஒரு சாதாரண தொழிலாளி சொன்ன யோசனையை அமல்படுத்தினார்கள். என்ன அது?

சோப்பு பாக்கெட்டுகள் அட்டைப்பெட்டியை அடையும் இடத்துக்கு அருகில் ஒரு மேசையை வைத்தார்கள். அதன் மீது ஒரு பெரிய சைஸ் டேபிள் ஃபேனை வைத்தார்கள். பாக்கெட்டில் சோப்பு இல்லாவிட்டால், காலி பாக்கெட் காற்றில் பறந்துவிடும். சோப் இருக்கும் பாக்கெட்டுகள் மட்டுமே அட்டைப் பெட்டியை வந்தடையும்.

மிக எளிமையான யோசனை. ஆனால் பெரிய செலவில்லாமல், பிரச்னைக்கு தீர்வு தருகிறது.

இந்த யோசனை ஏன் மற்ற அதிகாரிகளுக்கு உடனே தோன்றவில்லை..?

காரணம், அவசரம்.

பிரச்னைக்கு தீர்வு காண வேண்டும் என்ற பதற்றமே அவர்கள் கண்ணை மறைத்துவிட்டது.  அவசரப்பட்டு புது இயந்திரமோ, வேலையாட்கள் நியமனமோ செய்திருந்தால் எவ்வளவு நஷ்டம் ஏற்பட்டிருக்கும்?

பல நேரங்களில் பிரச்னைக்கான தீர்வு மிக எளிதானதாக இருக்கும். பிரச்னையை சரியாக புரிந்து கொண்டாலே பாதி பிரச்னை தீர்ந்த மாதிரி தான். பின்னர் பதற்றப்படாமல் அதை அணுகினால், தீர்வு கிடைப்பது எளிதாகிறது.

பிரச்னை என்பது ஒரு சவால். அதற்கான தீர்வு தேடுவதை நம்மை மேம்படுத்திக் கொள்ளக் கிடைத்த ஒரு வாய்ப்பாக எடுத்துக் கொண்டால், தினம் தினம் நம்மை மேம்படுத்திக் கொண்டே இருக்கலாம்.

சவால்கள் கூடக் கூட உங்களது தீர்வு காணும் திறன் கூடும். புத்தி கூராகும்; வாழ்க்கை நேராகும்.

Thanks to Youthful Vikatan (http://www.vikatan.com/article.php?mid=10&sid=188&aid=6659)

கடவுள் நம்பிக்கை

கடவுள் நம்பிக்கை உள்ளவன் எதற்கும் பயப்பட வேண்டியதில்லை. உனக்குப் பயம் ஏற்பட்டால், அது கடவுள் மேல் உனக்கிருக்கும் அவநம்பிக்கையையே காட்டுகிறது.

God is now here – believe, it will happen